जिल्ला प्रहरी कार्यालय पर्साले निर्दोष मानिसलाई फसाउन खोजेको भन्दै तीन घण्टा घेराउ गरिएको छ। पर्सा जिराभावानी गाउँपालिका-१ जगतियाका सर्वसाधारणले विहान ११ बजेदेखि दिउँसो २ बजेसम्म घेराउ गरेका हुन् । जगतियाका एकजना शिक्षकलाई पर्सा प्रहरीले गलत किसिमले फसाउन खोजेको भन्दै त्यसको विरोधस्वरुप जिल्ला प्रहरी कार्यालय, पर्सा घेराउ गरिएको हो। स्थानीय गोविन्द चौधरीको नेतृत्वमा विरगंज आएका करिब तीन सयजनाले जिल्ला प्रहरी कार्यालय घेराउ गरेका हुन्। विगत २० वर्षदेखि चौधरीले बोर्डिंग स्कूल संचालन गर्दै आएको र आजसम्म उनीविरुद्ध कुनै गलत कुरा नसुनेको र उनको आचरण आरोपविपरित भएकोले उनको रिहाईको माग गरिएको हो।