धनगढी उपमहानगरपालिकाको कार्यालयमा तालाबन्दी गरिएको छ । कार्यालयमा कर्मचारी नभेटिएपछि सेवाग्राहीले कार्यालयको मूल गेटमा तालाबन्दी गरेका हुन् । कार्यालय समयमा कर्मचारीहरु दैनिक अनुपस्थित नहुने गरेको गुनासो आएपछि सेवाग्राही सेवा लिन कार्यालय पुग्दा कोही नभेटिएपछि कार्यालयको मूल गेटमा तालाबन्दी गरिएको धनगढी जुगेडाकी सुशीला भाटले बताउनुभयो । धनगढी उपमहानगरपालिका वडा नम्बर–३, का स्थानीयबासिन्दा अमित चन्दले कार्यालयमा भएका कर्मचारी पनि काम छोडेर घाम तापेर बस्ने गरेको आरोप लगाउनुभयो । धनगढी उपमहानगरपालिकाका प्रमुख र उपप्रमुख कार्यक्रम बाहिर जाने र अरु कर्मचारी पनि कार्यालयमा नबस्दा आफूहरुको स–सानो काम समेत नहुने गरेको स्थानीय बासिन्दाको गुनासो छ । धनगढी उपमहानगरपालिकामा केही दिनयता दर्ता–चलानी फाँटका कर्मचारी र राजस्व संकलन गर्ने कर्मचारी मात्रै भेटिने गरेका छन् ।