प्रदेश २ मा पर्ने ठोरी गाउँपालिका प्रदेश ३ मा गाभ्ने माओवादी केन्द्रका अध्यक्ष पुष्पकमल दाहालको अभिव्यक्तिविरुद्ध संघीय समाजवादी फोरम नेपालले मंगलवार विरगंजमा प्रदर्शन गरेको छ। ठोरीमा सोमबार भएको सभालाई सम्बोधन गर्दै पुर्व प्रधानमन्त्री समेत रहेका दाहालले ठोरीलाई प्रदेश ३ मा गाभ्ने अभिव्यक्ति दिएका थिए। दाहालको अभिव्यक्तिले वीरगंजलाइ प्रादेशिक राजधानी बनाउने माग गर्दै एक सातादेखि निरन्तर चलेको आन्दोलन ओझेलमा परेको छ। ठोरीलाई प्रदेश २ मा कायम राख्ने विषयले विरगंजको राजनीति तातेको छ। विरगंजको घण्टाघर चोकमा मंगलवार अपराह्नन आयोजित विरोधसभालाई सम्बोधन गर्दै फोरम नेपाल पर्साको उपाध्यक्ष सुन्दर कुर्मीले ठोरी पर्साको गहना ठोरीलाई अलग गरेर अन्य जिल्लामा मिसौना चाहनेको हात काटिदिने समेत चेतावनी दिए।