प्रदेश नम्बर ७ को अस्थायी मुकाम कैलालीको धनगढी तोकेको विरोधमा गृहजिल्ला डडेल्धुरामा नै प्रधानमन्त्री शेरबहादुर देउवाको पुत्ला दहन भएको छ । ६ पटक निर्वाचित देउवाले जिल्लाको अपमान गरेर कैलालीमा मुकाम घोषणा गरेको भन्दै स्थानीयले पुत्ला दहन गरेका हुन् । डडेल्धुरा सुदूरपश्चिमको मूल प्रवेशद्वार भए पनि प्रधानमन्त्री देउवाले जिल्लालाई मुकाम नबनाएको प्रदर्शनकारीको आरोप छ । पुत्ला दहनपछि उद्योग वाणिज्य संघका केन्द्रीय सदस्य प्रकाश साउदले अबको आन्दोलन सुदूरपश्चिमका पहाडी जिल्लाको बेग्लै प्रदेश बनाउन केन्द्रित हुने बताए ।