प्रदेश नम्बर १ को अस्थायी मुकाम विराटनगर तोकिएको विरोधमा धरानमा त्यससम्बन्धी सरकारी निर्णयको प्रति जलाइएको छ । धरान राजधानी बनाऔँ अभियान स्वतन्त्र समितिले बुधबार भानुचोकमा निर्णयको प्रति जलाएको हो । समितिले चरणबद्ध आन्दोलनको घोषणासमेत गरेको छ । भौगोलिक र सामुदायिक हिसाबले सरकारको निर्णय त्रुटिपूर्ण रहेको दाबी गर्दै प्रदेश नम्बर १ को राजधानी धरान बनाउनुपर्ने समितिको निष्कर्ष छ । समितिले एक महिनादेखि धरानलाई राजधानी बनाउन दबाबमूलक कार्यक्रम गरिरहेको छ ।