प्रहरी ज्यादतीविरुद्ध इलाका प्रहरी कार्यालय, सेढवालाई शुक्रवार स्थानीयवासीले घेराउ गरेका थिए। इप्रका सेढवाका प्रहरी नायब निरीक्षक विमलकुमार शाहीले स्थानीयवासीसंग अभद्र व्यवहार गरेको र चेकजांचको बहानामा दुख दिएको भन्दै स्थानीयवासीले इलाका प्रहरी कार्यालय सेढवा घेराउ गरेका छन्। सेढवा बजारबाट तरकारीलगायतका घरायसी सामान खरिद गरेर घर फर्किरहेको स्थानीयवासीलाई चकजांचको वहानामा इलाका प्रहरी कार्यालय सेढावाका प्रहरीले रोकेर दुख दिएको भन्दै स्थानीयवासीले इलाका प्रहरी कार्यालय सेढवा घेराउ गर्दै प्रहरीविरुद्ध नाराबाजीसमेत गरेका थिए।