सप्तरीको तिलाठी कोइलाडी गाउँपालिकाको गाउँसभाको बैठकबाट गाउँपालिका सार्न लागेको विरोधमा तिलाठीका स्थानीयबासी असन्तुष्टि जनाएका छन् । गाउँपालिका कार्यालय ‘तिलाठी’ बाट हँटाई गाउँपालिकाका अध्यक्ष सतिशकुमार सिंहको नेतृत्वमा गाउँपालिका कोइलाडी सार्ने भएपछि तिलाठी, लौनियाँ र सकरपुरा वडा नम्बर १, २, ३, ४ का बासिन्दाले बिरोध गर्दै गाउँपालिका कार्यालयमा तोडफोड तथा कार्यालयका ब्यानर तथा बोर्डहरुमा समेत आगजनी गरेका हुन् । त्यस्तै भुपु क्षेत्रपाल दबेनारायण यादवको नेतृत्वमा गाउँपालिका कार्यालयमा अनिश्चितकालिन तालाबन्दी समेत गरेको स्थानीय युवा बिटु मिश्राले जानकारी दिनुभयो । तिलाठी कोइलाडी गाउँपालिकाका अध्यक्ष सतिशकुमार सिंहले भने गाउँ सभाको दुई तिहाई सदस्यले गाउँपालिकाको केन्द्र तिलाठीबाट कोइलाडीस्थित जिरिया हाटमा सार्न निर्णय गरेको र त्यसै अनुसार गाउँपालिकाका सार्ने काम गरिएको बताउनुहुन्छ ।