जनकपुरका व्यवसायीले सहकर्मी पिटिएको भन्दै बजार बन्द गराएर प्रहरीविरुद्ध नाराबाजी गरेका छन् । फुटपाथ खाली गराउने र अनावस्यक पोस्टर पम्प्लेट , होर्डिंग बोर्ड हटाउने क्रममा प्रहरीले मुरली चोकका कपडा पसल संचालक नितेश सिंहलाई कुटपिट गरेको भन्दै व्यवसायी बिरोधमा उत्रेका हुन् । बिरोधमा उत्रेका व्यवसायीले बजार बन्द गराएर चक्काजाम समेत गरेका थिए । चक्काजामपछि उधोग बाणिज्य संघ र प्रहरीबीच पिडितको उजुरीका आधारमा दोषीलाई कारबाही गर्ने सहमति भएको व्यवसायीले जनाएका छन् ।