जानकी गाउँपालिकाले आह्वान गरेको टेण्डर दर्ता गर्नेक्रममा गुण्डागर्दी भएको छ । गाउँपालिकाले आह्वान गरेको टेण्डर दर्ता गर्न पुगेका ठेकेदारहरुलाई बिहीबार ‘गुण्डाहरु’ले हातपात गर्दै अवरोध गरेका छन् । पछि जिल्ला प्रहरी कार्यालय बाँकेका प्रहरी उपरीक्षक टेक बहादुर तामाङले थप फोर्स पठाएपछि गुण्डागर्दी गर्नेहरु तितरवितर भएका थिए । प्रहरीले टेण्डर दर्तामा गुण्डागर्दी गर्दै अवरोध गर्ने चन्द्र धिताल र किरण आलेलाई नियन्त्रणमा लिएको छ । पक्राउ परेका धिताल जानकी गाउँपालिका उपप्रमुख भुमीसरा धितालका छोरा हुन् ।