२ महिना अगाडी अपहरणमा गरेर हत्या गरिएका अंकित गुप्ताका हत्यारालाई कारबाहीको माग गर्दै पिडित परिवार र विभिन्न संस्थाले जितपुर बजारमा चक्काजाम र र्यालीसहित प्रदर्शन गरेका छन् । जितपुर नगर उधोग बाणिज्य संघले आह्वान गरेको बन्दका क्रममा पिडित परिवार र स्थानीयले प्रदर्शन र चक्काजाम गरेका हुन् । हजारौंको संख्यामा सहभागी प्रदर्शनकारीहरुले जितपुर बजार परिक्रमा गरि करिब एक घण्टा चक्काजाम गरेका थिए । जितपुर सिमरा उपमहानगरपालिकाका उपमेयर सरस्वती चौधरी, जितपुरका वडाध्यक्ष रामबाबु गुप्त र कार्यपालिका सदस्य शोवा कार्कीले घटनाप्रति खेद ब्यक्त गर्दै हत्यारालाई कारवाहीको माग गरे ।