रौतहटको राजपुर नगरपालिकाका मेयर र कार्यकारी प्रमुखमाथि हातपात भएको छ । नगरपालिकामा करार सेवामा कार्यरत वातावरण अधिकृत शाहनवाज हुसैनले नगरप्रमुख मोहमद शकिल अख्तर र प्रमुख प्रशासकीय अधिकृत जगत प्रसाद साहलाई नगरपालिकाको कार्यालयमै दुर्व्यवहार गर्दै हातपात गरेका छन् ।आर्थिक वर्ष समाप्त भएको एक साता बित्न लागेपनि करार सेवामा कार्यरत वातावरण अधिकृत हुसैनको म्याद कार्यकारी र मेयरले नथपेको आरोप लगाउँदै उनले शुक्रबार दिउँसो कार्यालयमै नगर प्रमुख अख्तर र प्रमुख प्रशासकीय अधिकृत साहलाई विभिन्न किसिमको अपशब्द प्रयोग गर्दै म्याद थप्न दबाब दिएका थिए ।मेयर र कार्यकारी दुवैले करार सेवकका कर्मचारीको म्याद नथप्ने अडान लिएपछि हुसैनले गालि गलौज गर्दै दुबैजनामाथि हातपात गर्दै मेयर अख्तरको मोबाइल समेत फ़ुताइदिएका थिए ।