बाढी पिडितका नाममा आएको सरकारी रकम हिनामिना गरेको भन्दै सुनसरीको भोक्राहा नरसिंह गाउपालिका-६ का वासिन्दाले गाउँपालिकाको कार्यालय घेराउ गरेका छन् । अघिल्लो वर्षको बाढीताकाको राहत रकम वितरणका क्रममा वडाध्यक्ष राजेश्वर प्रसाद साहले मनोमानी गरेको भन्दै स्थानीयले गाउँपालिकाको कार्यालय घेराउ गरेका हुन् ।राहत वापत आएको रकम प्रतिपरिवार २५ हजारका दरले वितरण गरिनुपर्ने थियो ।तर वडाध्यक्षले जान्नेसुन्नेका हकमा मात्र तोकिए बमोजिमको रकम बढेको आन्दोलित वडावासीहरुको आरोप छ ।रकम हिनामिना गरेको आरोप लागेका वडाद्यक्ष राजेश्वोर प्रसाद साहले आफूमाथि लागेको आरोप झुटो भएको प्रतिक्रिया दिएका छन् ।