प्रमुख प्रतिपक्षी दल नेपाली कांग्रेसले मंगलबार सरकारको विरोधमा देशभरका सबै जिल्ला सदरमुकामहरुमा प्रदर्शन गरेको छ । पार्टीको केन्द्रीय निर्णय अनुसार चितवनमा पनि प्रदर्शन गरिएको । दुई-तिहाई बहुमत पाएको कम्युनिष्ट सरकारले अधिनायकवाद ल्याउन लागेको भन्दै त्यसको विरोधमा प्रदर्शन गरिएको कांग्रेसले जनाएको छ । भरतपुरको चौबिसकोठीदेखि नारायणगढको पुल्चोकसम्म भएको प्रदर्शनपश्चात पुल्चोकमा भएको सभालाई सम्बोधन गर्दै केन्द्रीय सदस्य चन्द्र भण्डारीले ओली सरकारले जनतालाई राष्ट्रवादको खोल ओढेर ढाँटने काम गरेको आरोप लगाए ।