संयुक्त पाँच विद्यार्थी संगठनद्वारा बालकुमारी कलेजमा १० सुत्रीय माग राख्दै मंगलबार क्याम्पस प्रमुख र संचालक समितिको कार्यकक्षमा तालाबन्दी गरेका छन् । तालाबन्दी गर्ने संयुक्त विद्यार्थी संगठनहरुमा तत्कालिन माओवादी केन्द्र निकट अनेरास्ववियु क्रान्तिकारी,नयाँ शक्ति निकट विद्यार्थी संगठन, वैद्य निकट अखिल क्रान्तिकारी र विप्लव निकट अखिल क्रान्तिकारी रहेका छन् । शैक्षिक सुधारका निम्ति र कलेजमा देखिएका समस्याहरुलाई तत्काल समाधान गर्न कलेज प्रशासन समक्ष बारम्बार कुरा राख्दा बेवास्ता गर्ने, प्रशासनले विद्यार्थी संगठनसंग बारम्बार सहमति गर्ने र त्यसको कार्यान्वयन कलेज प्रशासनबाट नै नहुने हुँदा ताला लगाउन बाध्य भएको उनीहरुले बताए ।