बलात्कार पछि हत्या गरिएकी १३ बर्षीय निर्मला पन्तको हत्यारालाई कारबाहीको माग गर्दै स्थानीयले महेन्द्रनगर बजार बन्द गरेका छन् । स्थानीयको आन्दोलनलाई समर्थन गर्दै बजारका ब्यापारी र शिक्षालयले पनि सम्पूर्ण व्यवसाय र पठनपाठन बन्द गरेका हुन् । आन्दोलनमा उत्रिएका महिला अधिकारकर्मी लगायत स्थानीयले यातायात सेवा समेत अवरुद्ध पारेका छन् । स्थानीयले निर्मलाको बलात्कार पछि हत्या भएको १३ दिन भइसक्दा पनि हत्यारा पक्राउ गर्न नसकेको भन्दै प्रहरी प्रशासनको चर्को आलोचना गरेका छन् ।