मेयरले मनोमानी गरेको भन्दै कैलालीको घोडाघोडी नगरपालिकामा नेविसंघले फेरी तालाबन्दी गरेको छ । गत श्रावन १७ गते तालाबन्दी गरेको नेविसंघले आफ्ना मागका अझै कुनै वास्ता नगरेको भन्दै बुधबार देखि पुन: तालाबन्दी गरेको हो । नगरप्रमुखले ममताप्रसाद चौधरीले छलफल नै नगरी नगर क्षेत्रभित्र रहेका बिध्यालयलाई समायोजन र केहि तह घटुवा गरेको भन्दै नेविसंघले तालाबन्दी गरेको जनाएको छ । समायोजन गरिएका बिध्यालयका अभिभावकहरुले पनि समायोजन बिरुद्ध संघर्ष समिति गठन गरी आन्दोलन गर्दै आएका छन् । तालाबन्दीका कारण कार्यालयको सम्पूर्ण कामकाज बन्द भएको छ । नगर क्षेत्रभित्रका ५७ बिध्यालयमध्ये मेयर चौधरी नेतृत्वको नगर शिक्षा समितिले ४ बिध्यालय समायोजन गरेको र ९ बिध्यालयको तह घटुवा गरेको थिए।