प्रहरी हिरासतमा मृत्यु भएका राम मनोहर यादवको शव २५ दिनदेखि प्रहरीले अस्पतालमै राखेको छ ।अन्तिम संस्कार गर्न परिवारलाई शव नदिएको र मृत्युको कारणबारे पोष्टमार्टम रिपोर्ट सार्वजनिक नगरेको भन्दै नेपालगंजमा बृहत जनप्रदर्शन भएको छ । स्वतन्त्र मधेश गठबन्धनले राम मनोहरलाई शहिद घोषणा गर्नुपर्ने,परिवारलाई राहत दिनुपर्ने,पीडकलाई कारवाही गर्नुपर्ने माग राख्दै आएको छ ।यी मागहरु पूरा नभएको भन्दै बाँकेवासी आक्रोशित भएका छन् ।मंगलबार त्रिवेणी मोड हुँदै कमल मधेशी चौकलाई परिक्रमा गरी सिडिओ कार्यालय अगाडी भिड जनसभामा परिणत भएको थियो ।