अधिकारकर्मी महिलाले निर्मलाका हत्यारा पत्ता लगाउन माग राखी आइतबार महेन्द्रनगरमा जिल्ला प्रशासन कार्यालयअगाडि आँखामा कालोपट्टी बाँधेर प्रदर्शन गरे। दिउँसो १ बजेदेखि करिब २ घण्टासम्म उनीहरुले प्रदर्शन गरेका थिए। चार महिनासम्म पनि हत्यारा पत्ता नलगाएको भन्दै महिला अधिकारकर्मीले आन्दोलन जारी राखेका छन्। ‘निर्मलाको हत्यारा पत्ता नलागेसम्म हाम्रो आन्दोलन जारी रहन्छ’, नागरिक संघर्ष समितिकी संयोजक मीना भण्डारीले भनिन्, ‘आज (आइतबार) दुई घण्टा आँखामा कालोपट्टी बाँधेर प्रदर्शन ग¥यौं।’ सोमबार दिउँसो निर्मलाको शवको प्रतीक बनाएर प्रदर्शन गर्ने कार्यक्रम रहेको उनले बताइन्।