2019-01-24
प्रहरीको गोली प्रहारबाट मारिएका सुरुङ्गा नपा–६ कडरबोनाका ३० वर्षीय दिपेन्द्र चौधरीका परिवारका सदस्य र साथीहरूले माघ १० गते राजविराजमा प्रदर्शन गरेका छन् ।
प्रहरीले नियन्त्रणमा लिएर दिपेन्द्रको हत्या गरेको भन्दै राष्ट्रिय विद्यार्थी सङ्घको व्यानरमा प्रदर्शनकारीले नाराबाजीसहित राजविराजमा प्रदर्शन गर्नुका साथै जिल्ला प्रहरी कार्यालयमा केहीबेर धर्ना दिए ।
सप्तरीको रुपनी चोकदेखि ७ सय मिटर दक्षिण रुपनी–राजविराज सडक खण्डमा प्रहरीले आत्मरक्षाका लागि गोली चलाउँदा माघ ९ गते विहान चौधरीको मृत्यु भएको सप्तरी प्रहरीले दावी गर्दै आएको छ । एसपी विष्टका अनुसार मृतकको साथबाट प्रगतिशील तराई मुक्ती मोर्चा केन्द्रिय संयोजक सिजन लेखिएको पर्चा, कटुवा पेस्तोल, सोमा लोड भएको जङ्गी गोली राउण्ड एक, घट्नास्थलमा पड्किएको गोलीको खोका दुई थान र मोवाईल दुई थान फेला परेको छ ।
तर, प्रदर्शनकारीहरूले प्रहरीले नियन्त्रणमा लिएर दिपेन्द्रको हत्या गरेको भन्दै दिपेन्द्रलाई सहिद घोषणा गर्नुपर्ने, घटनाको उच्चस्तरीय छानबिन गर्नुपर्ने, संलग्न दोषी प्रहरीलाई कारबाही गर्नुपर्ने र मृतक परिवारलाई क्षतिपूर्ति दिनुपर्ने माग गरेका छन् । प्रदर्शनका क्रममा उनीहरूले सहिद दशन चोकमा टायर बाल्दै कोण सभा समेत गरे ।
चौधरीको शव पोष्टमार्टमका लागि राजविराजस्थित गजेन्द्रनारायण सिंह सगरमाथा अञ्चल अस्पतालमा राखिएको छ । प्रहरीले मुठभेडको नाटक मञ्चन गरी दिपेन्द्रको हत्या गरेको भन्दै परिवारजनले शव बुझ्न मानेका छैनन् ।
दिपेन्द्र सशस्त्र गतिविधिमा नलागेको दावी गर्दै उनका बुवा देवनारायण चौधरीले आफ्नो छोरालाई अन्यत्र कतै हत्या गरी रुपनीमा शव ल्याएर मुठभेडको नाटक मञ्चन गरिएको आरोप लगाए ।
मृतकका मामा डाकनेश्वरी नपा–१० बनौलाका शत्रुघ्न चौधरीले नियन्त्रणमा लिएर प्रहरीले दिपेन्द्रको हत्या गरेको आरोप लगाए । अपराध अनुसन्धान गरेर कानुन बमोजिम कारवाही गर्नुपर्ने प्रहरीले स्वयम् अपराध गरेर अन्याय गरेको उनले बताए ।
दिपेन्द्रको पृष्ठभूमि
सुरुङ्गा नपा–६ कडरबोना चोकमा दिपेन्द्रका बुवा देवनारायण चौधरी वेलकम होटल सञ्चालन गरी बसेका छन् ।
कक्षा १० उत्तीर्ण गर्न नसकेका दिपेन्द्रले सुरुङ्गा प्रमाणपुरकी पुनमसँग आठ वर्ष अघि विवाह गरेका थिए ।
विवाहिता पत्नी र काखे छोराछोरीलाई छाडेर दुई वर्ष अघि साली नाता पर्ने एक युवतीलाई लिएर भागेपछि घर फर्किएर नआएको बुवा देवनाारायणले बताए । त्यसअघि उनी पनि होटलमै सहयोग गर्दथे ।
मृतकको बुवा, आमा, एक भाइ, चार दिदीबहिनी, पत्नी, चार वर्षीय एक छोरा र सात वर्षीय एक छोरी छन् ।
मनोहरकुमार पोखरेल
Violent / Non-violent | Nonviolent |
Primary Form | Demonstration |
Primary Cause | Issues related to legal action and access to justice |
Actor 1 - Number of people | 10 |
Actor 1 - Affiliations | Citizen/Individuals |
Actor 1 - Youth | unknown |
Actor 2 - Number of people | n |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD