अनसनरत प्रा.डा. गोविन्द केसीको पक्षमा कैलालीका एक युवाले अनसन बस्ने तयारी गरेका छन् । कैलालीका विद्यार्थी खेम बहादुर मगर केसीको पक्षमा अनसन बस्नका लागि गत १० दिन पहिला काठमाडौँ आएको बताउँछन् ।उनले आज दिउँसो ३ बजे सिंहदरबार अगाडिको सडकमा अनसन बस्ने तयारी रातोपाटीलाई जानकारी दिए । मगरले १६ दिनअघिबाट अनसन बस्दै आइरहेका प्रा.डा केसीको मागको समर्थन गर्दै ६ बुँदे माग अघि सारेका छन् । डा. केसीको माग जायज भएको र सरकारले उनको माग अक्षरस पालना गर्नुपर्ने मगरको माग छ । २३ वर्षिय मगरले ‘म अर्काे डा. केसी’ नाम दिएर अनसन बस्न लागेको जनाएका छन् ।