कावासोती नगरपालिकाको वडा नं १ को वडा कार्यालयमा स्थानीयले तालाबन्दी गरेका छन् । कावासोती १, कोइलापानीका बासिन्दाले अहिले कार्यालय रहेको स्थानबाट कार्यालय कोइलापानी लैजानुपर्ने भन्दै मंगलबार कार्यालयमा रहेका केही सामग्री लगेपछि हाल कार्यालयनजिकैको स्थानीयले तालाबन्दी गरेका हुन् ।उनीहरूले कार्यालय स्थानान्तरण गर्न नहुने र अहिले रहेकै स्थानमा कार्यालय रहनुपर्ने माग गरेका छन् ।

त्यसैगरी, कोइलापानीका बासिन्दाले भने सरकारी भवन रहेको ठाउँ खाली हुँदा कार्यालय भाडामा राख्नु उचित नभएको भन्दै सार्नका लागि जोड दिएका छन् । स्थानीयले कार्यालय सार्न नहुने भन्दै कार्यालयमा तालाबन्दी गरिदिएको वडा अध्यक्ष नारायण पन्तले बताए।