2019-04-25
काठमाडौं महानगरपालिकासँगको ‘सेटिङ’मा खुलामञ्च अतिक्रमण गरिएपछि स्थानीय सर्वसाधारण र सम्पदा संरक्षणका अभियन्ता आन्दोलित बनेका छन् । उनीहरुले बिहीबार खुलामञ्चमा नै उपस्थित भएर खुलामञ्च मास्न खोज्ने काठमाडौं महानगरपालिका र ठेकेदार कम्पनी जलेश्वर स्वच्छन्द बिकोइका विरुद्ध प्रदर्शन गरेका छन् । उनीहरुले ‘खुला मञ्चलाई खुला राखौं’ अभियान सुरु गरेका छन् ।
प्रदर्शनमा नेपाली कांग्रेसका नेता भीमसेनदास प्रधानदेखि नयाँ शक्तिकी नेतृ मानुषी यमी भट्टराईसमेत सहभागी थिइन् ।
काठमाडौंको सीमित खुला क्षेत्रमा मध्येको एक खुलामञ्चमा हाल काठमाडौं महानगरपालिकाले बसपार्क चलाएको छ । पुरानो बसपार्कमा ब्यापारिक टावर बनाउन दिएर महानगरपालिकाले खुलामञ्चलाई ठेकेदारको जिम्मामा छाडेको छ ।
ठेकेदार कम्पनीले खुलामञ्चमा अहिले ४० वटा नयाँ ब्यापारिक सटर हालेको छ । जसका कारण खुलामञ्च अतिक्रमणको शिकार हुन पुगेको छ । नियम, मापदण्ड र सहमति विपरित ठेकेदारले खुलामञ्चमा सटर हाल्दा पनि काठमाडौंमा महानगरपालिका मुकदर्शक बनेको छ । ब्यापारीसँग प्रतिसटर ६ देखि १२ लाख रुपैयाँ उठाएर बिक्री गरिँदैछ ।
यो पनि पढ्नुहोस
खुल्लामञ्च बिक्रेता यिनै हुन् ? यस्तो रहेछ कालो विगत
विरोधपछि महानगरपालिकाले यस विषयमा हेर्न भन्दै उपमेयर हरिप्रभा खड्गीको नेतृत्वमा अनुगमन समिति बनाएको छ । तर, त्यसले अझै काम थालेको छैन ।
ठेकेदार कम्पनीले महानगरपालिकासँग कै सेटिङमा सटर हालेकाले ढुक्क हुन त्यहाँ पसल किनेका ब्यापारीलाई भनेको छ । तर, वडा नम्बर २८का वडाध्यक्ष भाइराम खड्गी भने ठेकेदारले गरेको खुलामञ्च अतिक्रमणको विपक्षमा उभिएका छन् ।
झण्डै ५ करोडको चलखेल गरेर महानगरपालिकाले यहाँ ठेकेदारलाई अतिक्रमणमा सहयोग गरेपछि सर्वसाधारण र सम्पदा अभियान्ताले विरोध सुरु गरेका छन् । उनीहरुले डोजर लगाएर सटरहरु नहटाएसम्म यो अभियान नरोक्ने बताएका छन् ।
खुलामञ्च अतिक्रमणको बिरोधका थप तस्वीर
तस्वीर : चन्द्र आले/अनलाइनखबर
Violent / Non-violent | Nonviolent |
Primary Form | Demonstration |
Primary Cause | Other governance issues |
Actor 1 - Number of people | 50 |
Actor 1 - Affiliations | Citizen/Individuals |
Actor 1 - Youth | na |
Actor 2 - Number of people | N |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD