१६ जेठ, काठमाडौं । पहिचानवादीहरु फेरि आन्दोलित भएका छन् । बिभिन्न ९ वटा पहिचानवादी संगठनहरुले बिहीबार काठमाडौंमा प्रदर्शन गरेका छन् ।

नामांकन गरिएका सुदूरपश्चिम, कर्णाली र गण्डकी प्रदशेको नाम खारेज गरी पहिचानसहितको नाम राख्न माग गर्दै उनीहरुले माइतीघरदेखि नयाँबानेश्वरसम्म प्रदर्शन गरेका हुन् ।

यस्तै काठमाडौंमा नेवारहरुको जमीन, भाषा तथा सम्पदामाथि भएको अतिक्रमण तत्काल बन्द गर्नुपर्ने, उपत्यकामा बढिरहेको चाप नियन्त्रण गर्नुपर्ने, खस समुदायलाई आदिवासीमा सूचीकृत गर्नुपर्ने माग पहिचानवादीहरुको छ । टीकापुर काण्डमा जेल चलान भएका रेसम चौधरीलाई रिहाइ गर्न पनि माग गरिएको छ ।

प्रदर्शन गर्नेहरूमा बिभिन्न पार्टीदेखि संगठन र अभियानहरू रहेका छन् ।