धरान उपमहानगरपालिकामा रहेर पत्रकारिता गर्दै आएका धनकुटा जिल्ला धनकुटा नपा–१ निवासी दिलबहादुर राईमाथि आक्रमण भएको छ ।

जेठ २१ गते राति डिबिआर अनलाइन टिभी च्यानलको कार्यालयमा नै राईमाथि आक्रमण भएको हो । टाउकोमा ६ टाँका लगाउनु पर्ने गरी घाइते भएका सञ्चारकर्मी दिलबहादुर राईले प्रहरीमा जेठ २२ गते उजुरी दिएका छन् । उनीमाथि कार्यालयमा नै आक्रमण गरेको आरोपमा १७ वर्षीय बालकविरूद्ध उजुरी दिइएको हो ।

आरोपित बालकले पीडित पत्रकारको टाउकोमा ढुङ्गा प्रहार गरेका थिए । घाइते सञ्चारकर्मी राईले अभद्र व्यवहारको मुद्दामा उजुरी दिएको र सुरक्षाको माग पनि गरेकोले सोही अनुसार व्यवस्था गर्ने इलाका प्रहरी कार्यालय धरानका डिएसपी ढुण्डीराज न्यौपानेले बताए ।

उजुरी दिन नेपाल पत्रकार महासङ्घ सुनसरीको टोली नै इलाका प्रहरी कार्यालय धरानमा गएको थियो । सो क्रममा सञ्चारकर्मीमाथि आक्रमण गर्नेलाई पक्राउ गरी कडा कारबाही गर्न महासङ्घका अध्यक्ष अमर खड्काले आग्रह गरेका थिए ।

जयकृष्ण यादव