एक वडाअध्यक्षले जनप्रतिनिधिको चरित्र हत्या गरेको भन्दै वडा कार्यालय बन्द गरेका छन्। रामप्रसाद राई गाउँपालिका वडा १ ओखेमा एक योजनाबारे जनताले जवाफ खोजेपछि त्यहाँका वडाध्यक्षले ३ दिनदेखि वडा कार्यालय बन्द गराएका छन् ।

जेठ ५ गते को दिन सप्तमी बजारमा आयोजना गरिएको जनजातिको झाँकी प्रदर्शनी विषयमा पारदर्शिताको कुरा उठाउँदा वडाध्यक्ष सहदेव राईले वडा कार्यालयको बैठकको निर्णयअनुसार भन्दै सुचना निकालेर कार्यालय बैठक निर्णय अनुसार गरेर काम ठप्प पारेका हुन।  

झाँकी प्रदर्शनीका लागि १ लाख रूपैयाँ विनियोजन भएकामा प्रतिस्पर्धामा थोरै समूह मात्र सहभागिता भएकाले पुरस्कार कति खर्च लाग्यो भनेर गाउँलेले जनप्रतिनिधिलाई प्रश्न गरेको स्थानीय जोगेन्द्र किरातीले जानकारी दिनुभयो । झाँकी प्रदर्शनीमा ९ वटा टिम सहभागी भएका थिए । तर, वडाअध्यक्ष सहदेव राईले १५ टिम सहभागी भएको दाबी गरेका छन् । वडाअध्यक्ष राईले सूचनामा कार्यक्रम भव्य रूपमा गरेको भएपनि बेलुका मादक पदार्थ सेवन गरेर जनप्रतिनिधिहरूलाई गाली तथा आरोप लगाएकाले चरित्र हत्या गरेको उल्लेख गरेका छन् ।