काठमाडौं, ४ साउन     

काठमाडौं महानगरपालिका-४ सुकेधारास्थित यातायात व्यवस्था कार्यालयमा आल्मोनियमको काउण्टर तोडफोड गर्ने कार्यमा संलग्न काठमाडौं अत्तरखेल बस्ने दोलखा भिमेश्वर नगरपालिका-८ घर भएका २३ वर्षीय सुजन तामाङलाई शुक्रबार दिउँसो प्रहरीले पक्राउ गरेको छ ।    राजश्व तिर्न लाईनमा बसेका मानिसहरूलाई यातायातका कर्मचारीले उक्त दिन दिउँसो १२:०० बजेसम्म मात्र राजश्व तिर्न पाईन्छ भन्ने जानकारी गराए पश्चात लाईनमा बसेका तामाङले हो-हल्ला गर्नुका साथै विबाद गरी राजश्व तिर्ने उक्त काउण्टर तोडफोड गरेका थिए । तामाङलाई महानगरीय प्रहरी वृत्त महाराजगंजबाट खटिएको प्रहरीले पक्राउ गरेको हो ।    यस सम्बन्धमा प्रहरीले आवश्यक अनुसन्धान गरिरहेको छ ।