प्रमुख प्रतिपक्ष दल नेपाली काँग्रेसले पार्टीका बाँके जिल्ला सभापति किरण कोइरालासहितका एक दर्जन बढी नेता, कार्यकर्तामाथि सांघातिक हमला गर्नेमाथि कडा कारवाही गर्न सरकारसँग माग गर्दै नेपालगन्जमा विरोध र्याली निकालेको छ ।

पार्टीका बाँके जिल्ला सभापतिमाथि सत्तारुढ नेकपाकै संलग्नतामा सांघातिक आक्रमण गरेको दावी गर्दै दोषीलाई पक्राउ गरी कडा कारवाही गर्न माग गर्दै शनिबार दिउँसो नेपालगन्माजमा विरोध प्रर्दशन गरिएको हो ।

बत्ती बालेर गरिएको सांकेतिक विरोध प्रदर्शनमा सहभागी कार्यकर्ताहरुले सरकार विरुद्ध जमेर नाराबाजी गरे, उनीहरुले सितापुर घटनाका दोषीलाई कारबाहीको माग गरे । शुक्रवार पनि त्यही ठाउँमा एक घण्टा चक्काजाम गरेका काँग्रेस कार्यकर्ताहरुले टायर बालेर सरकार विरुद्ध चर्का नाराबाजी सहित प्रदर्शन गरेका थिए ।