नेपाल पत्रकार महासंघले रेडियो नेपालका पत्रकार निस्कासन गरिएको विरोधमा आज काठमाडौ सहित सातै प्रदेशमा प्रदर्शन गर्न लागेको छ ।

महासंघको केही दिन अगाडी बसेको बैठकले रेडियो नेपालमा श्रमजीवी पत्रकार ऐन तथा न्यूनतम पारिश्रमिक लागू गर्न र रेडियो नेपाल प्रदेश प्रसारण केन्द्र दिपायल लगायत देशभरका श्रमजीवीको रोजगारी नखोस्न दबाब दिने निर्णय गरेको थियो ।

दवावका लागि महासंघले आज काठमाडौको अनामनगरस्थित हनुमानस्थानमा दिउंसो १.३० बजे विरोध प्रदर्शन गर्न लागेको महासंघका सचिव रामप्रसाद दाहालले जानकारी दिनुभयो ।

यस्तै रेडियो नेपालका सबै प्रदेश प्रशारण केन्द्रमा पनि आज धर्नालगायत आकस्मिक विरोधका कार्यक्रम आयोजना गरिएको उहाँले बताउनु भयो ।