2019-11-11
बाँके - आफ्ना नेता कार्यकर्तालाई सरकारको निर्देशनमा झुटो आरोपमा फसाइएको भन्दै नेपाल तरुण दल बाँकेको आयोजनामा सोमबार नेपालगञ्जमा विरोध प्रदर्शन गरिएको छ ।
नेपाली कांग्रेस र नेपाल तरुण दलका केन्द्रीय नेताहरुको उपस्थितिमा नेपाली कांग्रेस बाँकेको पार्टी कार्यालयबाट सुरु भएको विरोध प्रदर्शन जिल्ला प्रशासन कार्यालयसम्म पुगेर सकिएको थियो ।
कांग्रेसका केन्द्रीय सदस्य सुरेन्द्र पाण्डेले वर्तमान सरकारको निर्देशनमा कांग्रेसका नेता कार्यकर्तालाई झुटा मुद्दा लगाइएको भन्दै निर्दोषलाई तत्काल रिहा गर्न माग गर्नुभयो । उहाँले सरकारले सीमाको रक्षा गर्नसमेत नसकेको टिप्पणी गर्नुभयो ।
तरुण दलका केन्द्रीय उपाध्यक्ष उत्तम चापागाईँले बाँकेमा सरकारको निर्देशनमा तरुण दलका नेता कार्यकर्तालाई प्रहरीले ज्यादती गरेको भन्दै तरुण दलका नेता कार्यकर्तालाई फसाउने प्रहरी अधिकारीलाई तत्काल कारबाहीको दायरामा ल्याउन माग गर्नुभयो ।
सीमाको सुरक्षामा लाग्नुपर्ने सरकार तरुण दलका नेता कार्यकर्तालाई फसाउन लागेको भन्दै उहाँले कुनै पनि हालतमा स्वीकार्य नभएको टिप्पणी गर्नुभयो ।
इलाका प्रहरी कार्यालय कोहलपुरले तरुण दलका नेपालगञ्ज नगर सभापति सन्दिपजंग शाहलाई केही दिनअघि हतियारसहित पक्राउ गरेपछि तरुण दल निर्दोषलाई फसाइएको दाबी गर्दै आन्दोलनमा उत्रिएको छ ।
तरुण दल बाँकेका सहसचिव विमल चन्दले विरोधका कार्यक्रम निरन्तर हुने जानकारी दिनुभयो । मंगलबारसमेत जिल्ला प्रशासन कार्यालय घेराउ गरिने भएको छ । तरुण दलले प्रहरीले शाहलाई फसाएको र जिल्ला सहसचिव केशर खड्कालाई भौतिक आक्रमणको धम्की दिएको दाबी गर्दै आएको छ ।
Violent / Non-violent | Nonviolent |
Primary Form | Demonstration |
Primary Cause | Issues related to legal action and access to justice |
Actor 1 - Number of people | 20 |
Actor 1 - Affiliations | Nepali Congress and affiliated org |
Actor 1 - Youth | youth |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD