प्रहरीले डडेल्धुरामा अवैध हतियारसहित एक जनालाई पक्रउ गरेको छ।  जिल्लाको भागेश्वर गाउँपालिका– ३ नानीगाड बगौरातर्फ खटिएको सुरक्षा गस्ती टोलीले भागेश्वर गाउँपालिका– ३ बुरिया बस्ने ३८ वाषर््ीय योगेन्द्रबहादुर शाहीलाई पक्राउ गरेको हो।

उनका साथबाट एक थान एकनाले भरुवा बन्दुक, १० थान सिसाको गोली र बारुद १ सय ५ ग्राम बरामद गरिएको जिल्ला प्रहरी कार्यालय डडेल्धुराका प्रहरी नायव उपरिक्षक दधिराम न्यौपानले बताए।

जिल्ला अदालत डडेल्धुराबाट २० दिनको म्याद थप लिइ पक्राउ परेका शाहीमाथि थप अनुसन्धान भइरहेको प्रहरीले जनाएको छ।