2020-04-19
कोरोनाबाट बच्न सरकारले लगाएको लकडाउनको क्रममा बच्चाको दुध लिन गएका एक युवक जनकपुरमा निर्घात कुटिएको छ । जनकपुरधाम उपमहानगरपालिका वडा नं. २ शिवचौक बस्ने कल्याण कुमार कर्णलाई लकडाउनमा चोकमा डयुटिमा रहेका प्रहरीले निर्घात कुटपिट गरेको हो ।
बच्चाका लागि दुध लिन गएको बेलामा प्रहरीले निर्घात रुपमा कुटपिट गरेको भनेर उनले आफ्नो फेसबुक लाइभमा बयान दिएका छन । विहानै कदमचोकमा उनलाई प्रहरीले पहिले सोधपुछ गरी बच्चाको दुध लिएर जाँदै गएको अवस्थामा सकडमा सुताएर लाठी प्रहार गरेको हो । उनको जीउभरि निलडाम देखिएको छ ।उनले लाईभमा लकडाउन आफूहरुकै लागि हो भनेर बुझेपनि बच्चाको भोकले गर्दा खेरी दुध लिन जान पाउने अधिकार समेत खोसेको बताएका छन् ।
प्रहरी प्रशासनले दुध, चामल, दाल, तरकारी सहित खाद्यान्न अत्यावश्यक वस्तुमा राखेको छ । दुधलाई निर्वाध रुपमा ओसार पोसार गर्न दिएपनि दुधकै लागि प्रहरीले कुटपिट गरेको बताएको छ । कर्णले आफ्नो फेसबुक सञ्जालमा भिडियो राखेर न्यायका लागि जिल्ला प्रशासन कार्यालय, प्रदेश २ का सरकार सहितका निकायलाई गुहारेका छन् । उनले फेसबुक सञ्जालमा ‘लकडाउनको पालना सबैलाई गर्नुपर्छ । लकडाउन हाम्रै लागि हो बुझ्नु पर्छ । तर दूध लिन जाँदा यसरी निर्ममता पूर्वक कुटपिट गर्नु कहाँको न्याय हो’ भनेका छन् । उनले अगाडि थपे ‘कदमचौकबाट दूध लिएर आउँदा प्रहरीले मलाई रोके र सोधे, तिमी कहाँबाट आउँदै छौ । मैले भने बच्चाका लागि दुध लिएर शिवचौक जाँदैछु । त्यति सुन्दै प्रहरीले लठ्ठीबाट कुटपिट गर्न थाल्यो । सडकमै सुताएर कुटपिट गर्यो’ उनले रुदै आफनो बयान राखेका छन् । यता, जिल्ला प्रहरी कार्यालय धनुषाले लकडाउनको बेला सिस्टम अनुसार पालना नगरे तथा प्रहरीसँग दुरव्यवहार दर्साएकोले समान्य लाठीचार्ज गरेको हुन सक्ने प्रतिक्रिया दिएको छ । आगामी बैशाख १५ गतेसम्म सरकारले नेपालमा लकडाउनको घोषणा गरेको छ ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Assault (small group) |
Weapons | Blunt weapon |
Primary Cause | Other governance issues |
Secondary Cause | Lockdown Enforcement |
Actor 1 - Number of people | N |
Actor 1 - Affiliations | Police |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD