काठमाडौं । प्रहरीले नयाँ बानेश्वरमा बाह्रखरीकर्मी केशव जोशीमाथी दुर्व्यवहार गरेको छ । नयाँ बानेश्वरमा लकडाउनको अवस्थाबारेको भिडियो खिचिरहेको बेला ट्राफिक प्रहरीले दुर्व्यवहार गरेको हो । 

ट्राफिक प्रहरी शम्भु श्रेष्ठले सूचना विभागले जारी गरेको प्रेस पास देखाउँदा पनि भिडियो खिच्ने नपाइने भन्दै दुर्व्यवहार गरेका थिए । उनले परिचयपत्र नै खोसेका थिए । भिडियो खिच्दा आफूसँग सोध्नुपर्ने ट्राफिक प्रहरीले खिच्न नपाउने बताएका थिए । महानगरीय ट्राफिक महाशाखाका एसएसपी भीमप्रसाद ढकालले सञ्चारकर्मीमाथी दुर्व्यवहार गर्नेलाई कारवाही गरिने बताए ।