2020-05-20
७ जेठ, वीरगञ्ज । घनावस्तीबीचको होटललाई कोरोना संक्रमित राख्ने आइसोलेसन वार्ड बनाउन लागेको भन्दै वीरगञ्जस्थित नगवाका स्थानीयले विरोध प्रदर्शन गरेका छन् ।
लकडाउनको उल्लंघन गर्दै वीरगञ्ज महानगरपालिका–१६ स्थित नगवाका स्थानीयले बुधबार विरोध प्रदर्शन गरेका हुन् ।
पर्सामा कोरोना संक्रमितको चाप बढ्दै गएपछि क्राइसिस म्यानेजमेन्ट कमिटीको टोलीले आइसोलेसन र क्वारेन्टाइन बनाउन सकिने सम्भावित ठाउँहरूको अनुगमन गरेको थियो । त्यस क्रममा नगवास्थित बाबा होटलको समेत अनुगमन गरिएको जिल्ला प्रहरी कार्यालय, पर्साका डीएसपी वीरेन्द्रबहादुर शाहीले बताए ।
प्रजिअ नेतृत्वको टिमले अनुगमन गरेर फर्किएलगत्तै स्थानीयहरूले विरोधमा प्रदर्शन गरेका हुन् । आइसोलेसन बनाउँदा संक्रमण फैलन जोखिम रहने भएकाले प्रदर्शन गरिएको वडाध्यक्ष श्यामबाबु चौरसियाले अनलाइनखबरलाई जानकारी दिए ।
वडाध्यक्ष चौरसियाले भने, ‘वडासँग कुनै समन्वय भएकै छैन । होटललाई आइसोलेसन वा क्वारेन्टाइन बनाउने विषयमा समन्वय त हुनुपर्छ नि ।’
वडासँग समन्वय गर्ने हो भने आइसोलसन वा क्वारेन्टाइन बनाउने थुप्रै विकल्प दिन सकिने उनले बताए । उनले वीरगञ्ज नेसनल मेडिकल कलेजजस्ता थुप्रै निजी अस्पतालहरू आइसोलेसनका रूपमा प्रयोग गर्न सकिने बताए ।
लकडाउन उल्लंघन गर्दै स्थानीय विरोधमा उत्रिएपछि प्रहरी परिचालन गरिएको छ ।
Violent / Non-violent | Nonviolent |
Primary Form | Demonstration |
Primary Cause | Other governance issues |
Secondary Cause | Quarantine Management |
Actor 1 - Number of people | 12 |
Actor 1 - Affiliations | Protesters/demonstrators |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD