जनकपुर- भारतको विभिन्‍न ठाउँबाट आएर आफ्नो वडाको क्वारेन्टाइनमा बसेको भन्दै धनुषामा स्थानीयहरुले विरोध जनाएका छन् ।

भारतबाट आएर आफ्नो वडाको क्वरेन्टाइनमा बसेको भन्दै कमला नगरपालिका वडा नं. ९ का स्थानीयले विरोध जनाएका हुन् । उनीहरुले क्वारेन्टाइनमा ढुंगामुढा प्रहार समेत गरेका छन् ।

स्थानीयहरुले आफ्नो वडामा रहेको क्वारेन्टाइनमा अन्य ठाउँका व्यक्तिलाई बस्न दिएकोमा विरोध जनाएका हुन् ।

उनीहरुले अन्य स्थानका मानिसहरुले क्वारेन्टाइनमा बस्न नदिने भन्दै लठी, भाटा सहित विरोधमा उत्रिएका थिए ।