काठमाडौं, ७ असार । सरकारको कार्यशैलीको विरोध गर्दै आएका युवाहरुले आइतबार पनि काठमाडौंको नारायणगोपाल चोकमा प्रदर्शन गरेका छन् ।

प्रदर्शनमा निरन्तर लगाइदै आएको पीसीआर परीक्षणको दायरा बढाउनु पर्ने, आरडीटी परीक्षण खारेज गरिनु पर्ने, क्वारेन्टाइन व्यवस्थित गरिनु पर्ने नाराकाबीच आइतबारको प्रदर्शनमा काठमाडौंको भित्री सडकहरुमा पनि कालोपत्रे गरिनु पर्ने माग पनि थपिएको थियो । यस्तै भारतीय दलाललाई देश निकाला गर्नु पर्ने माग पनि प्रदर्शनमा उठाइएका थिए ।

शनिबार बेसार दलेर काठमाडौंको शहीद गेटमा प्रदर्शन गरेका युवाहरुको समूहले नै आइतबार पनि नारायणगोपाल चोकमा प्रदर्शन गरेको हो । शान्तिपूर्ण प्रदर्शन गर्दै आएका उनीहरुले सरकारले कार्यशैलीमा सुधार नल्याएसम्म जारी राख्ने पनि बताएका छन् ।