नेपाल पत्रकार महासङ्घका सधारण सदस्य एवं ग्लोबल मिडियामा कार्यरत नेपालगञ्ज उपमनपा–१ का ३० वर्षीय टेकेन्द्र बस्याललाई कुटपिट गरेको आरोपमा प्रहरीले सोही उपमनपा–३ का  ३० वर्षीय आजम हलवाई र ३२ वर्षीय चाँदबाबु हलवाईलाई असार १९ गते गिरफ्तार गरेको छ ।

घरजग्गा विवादका विषयमा समाचार सङ्कलन गर्न पुगेका बस्याललाई असार १९ गते आरोपितद्वयले कुटपिट गर्नुको साथै क्यामरा समेत फुटाएर क्षति पुर्‍याएको पीडितले इन्सेक प्रतिनिधिसँगको फोन सम्पर्कमा बताउनु भयो ।

पीडितले  असार १९ गते वडाप्रहरी कार्यालयमा घटनाका बारेमा मौखिक जानकारी गराएपनि  लिखित उजुरी नदिएको बताउनु भयो ।

वडा प्रहरी कार्यालयका इन्स्पेक्टर हरी बस्नेतले आरोपितद्वयलाई  गिरफ्तार गरि अनुसन्धान भइरहेको बताउनु भयो ।

यसैगरी घटनाका सम्बन्धमा नेपाल प्रेस युनियन बाँके शाखाले असार २० गते प्रेस विज्ञप्ती मार्फत समाचार सङ्कलन गर्न पुगेका बस्यालमाथि  भएको घटनाप्रति ध्यानाकर्षण जनाएको छ । विज्ञप्तीमा दोषीलाई कारवाहीको माग गर्दै सञ्चार सामाग्रीको  क्षतिपूर्ति व्यहोर्नु पर्ने भनिएको छ ।

स्मृति देवकोटा