2020-07-05
पोखरा, २१ असार । कोरोना नियन्त्रणमा सरकारी प्रयास फितलो रहेको र एमसीसी खारेज गर्नुपर्ने लगायत विभिन्न विषयमा यतिखेर देशभर विरोध र प्रदर्शन भइरहेको छ ।
यसैबीच, आइतबार पोखरामा विरोध प्रदर्शन गरियो । तर सो प्रदर्शनमा कुनै समूह थिएन । मात्र एक्लै थिइन पोखरा लेकसाईडकी शिरिष गुरुङ ।
एक्लै व्यानर बोकेर उनी कहिले विपी चोक त कहिले जिल्ला प्रशासन कार्यालय कास्की अघि पुगछिन् । प्रत्येक दिन १ बजे देखि ४ बजे सम्म ४ घण्टासम्म एक्लै धर्ना दिइरहेकिछिन्। अहिले उनी विपी चोक अगाडी धर्ना दिदै आइरहेकी छिन् , उनले धर्ना दिएको आज २१ दिन पुगेको उनी बताउँछिन् ।
केही साथीभाइ जम्मा गरी सामूहिक रुपमै भेला हुने इच्छा भए पनि सम्भव नभएपछि २ हातमा प्लेकार्ड बोकेर एक्लै भएपनी निरन्तरता दिइरहने वताउछिन ।उनले लिएको प्लेकार्डमा लेखिएको थियो –‘इन अफ इज इन अफ’ र ‘३ महिना सुतेर पुगेन कहिले उठ्ने’ । काठमाडौं पोखरा लगायत देशका विभिन्न ठाउँमा भइरहेको स्वतन्त्र विरोधबाट प्रभावित भएरै उनले पनि यो कदम चालेको स्पष्ट पारिन् ।
देख्ने अन्य सर्वसाधारणले भने समर्थन जनाए । तर उनको गुनासो भने खुलम खुल्ला रुपमा ‘ठीकलाई ठीक र बेठीकलाई बेठीक’ भन्न भसक्ने नेपालीको बानीमा रहेछ । नेपालीहरु साथीभाई गफ गर्दा होस् या संगै बसेर खाजा खाना खादा किन नहोस, देशको बारेमा चिन्ता व्यक्त गर्छन तर खुलम खुल्ला रुपमा भन्न डराउछन् । उनि भन्छिन्, ‘मलाई एक्लै भएकोमा दुःख छैन । बरु अरु सामेल नभएकोमा छ ।’
कोरोना नियन्त्रणमा सरकारी प्रयास फितलो रहेको भन्दै उनले मानव स्वास्थ्यप्रति खेलवाड गर्न नहुने बताउँछिन् । पिसिआर टेष्ट नगरी आरटिडिमात्र गर्दा झन् समस्या बल्झिएकोले पिसिआर अनिवार्य गर्नुपर्ने उनको माग छ । सरकारले १० अर्ब खर्च गरेको भनेपनि जनतामा त्यसको प्रत्यक्ष प्रभाव नपरेको उनको तर्क छ ।
कुनै दलबाट प्रभावित नभएको स्पष्ट पार्दै उनले राष्ट्रका लागि केही समय सबैले दिन सके भविष्यमा यस्ता समस्या निराकरण हुने विश्वास गरिन् ।
स्वतन्त्ररुपमा आफ्नो आन्दोलनमा सहभागी हुन चाहनेलाई हातोमालो गर्ने गुरुङको सोच छ । ‘नभए सरकारको राम्रा कामको प्रशंसा र नराम्रोको विरोध गर्छु, उनले अठोट व्यक्त गरिन् ।
Violent / Non-violent | Nonviolent |
Event Duration | More than 7 days |
Primary Form | Gherau/Dharna (sit-in)/padlocking |
Primary Cause | Issues related to the quality of public services (health, education etc.)and access to these services |
Secondary Cause | Healthcare Management |
Actor 1 - Number of people | 1 |
Actor 1 - Affiliations | Citizen/Individuals |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD