2020-07-12
धादिङ्ग, २९ असार । धादिङ्गको धुनिबेँसी नगरपालिकाले मापदण्ड विपरित आर्थिक चलखेलमा जग्गा खरिद गरेको भन्दै स्थानीयले विरोध गरेका छन् । आईतवार सयौंको संख्यामा गएका स्थानीयले ५ हजार हस्ताक्षरसहित विरोधपत्र धुनिबेँसी नगरपालिकाका उपप्रमुख निरु खरेललाई बुझाएका हुन् ।
धुनिबेँसी नगरपालिकाले जग्गा खरिदको क्रममा सार्वजनिक सुचना समेत टाँस नगरी स्थानीयलाई गुपचुप राखी खरिद गरेको विरोध पत्रमा उल्लेख गरेको छ । धुनिबेँसी नगरपालिका नगरप्रमुख बालकृष्ण आचार्यले ठुला व्यापारीसँग मिलेमतोमा राज्यको ठुलो आर्थिक रकम हिनामिना समेत गरेको उल्लेख छ । नगरले जुगेडी केन्द्र भन्दै मच्छिन्द्रनाथ सामुदायिक वनको खोल्सा संगै जोडेको कपुरबासे भन्ने स्थानमा जग्गा लिएको समेत उल्लेख छ ।
सर्वदलीय बैठकले जुगेडी केन्द्र तोके पनि ईलाका नं. १० अर्थात् साविकको नौबिसे, जीवनपुर, छत्रेदेउरालीको केन्द्र खानिखोला रहेको थियो । सोही स्थानमा नगरपालिका कार्यालय रहने समेत बताएको थियो । त्यसको स्थान परिवर्तन गर्नका लागि स्थानीय सरकारलाई केन्द्र सरकारले स्थान परिवर्तन गर्ने वा नगर्ने सुचना जारी गरे पनि राजपत्रमा परिवर्तन नभएको समेत उल्लेख छ ।
मोटो रकमको चलखेल हुने भएपछि ठुला व्यापारीको जग्गा अर्थात् ग्याप नेपाल प्रा.लि र सि.जि.प्रिन्ट एण्ड प्याकेजिङ्ग प्रा.लि.संग मिलेमतोमा साविकको नौबिसे गाउँविकास समिति वडा नं. ४ को कित्ता नं. १२५२ को ३ रोपनी क्षेत्रफल र साविककै नौविसे गाउँविकास समिति वडा नं. ४ को कित्ता नं. १२४९ को ५ रोपनी क्षेत्रफल जग्गा प्रतिरोपनी २० लाख ६० हजारमा खरिद गरेको हो ।
जुन खरिद गरेको जग्गा नगरपालिकाको हुनुपर्ने मापदण्ड समेत पुग्दैन । नगरपालिका हुनको लागि वस्तीसँगै हुनुपर्ने सडक सञ्जालसँग जोडिनु पर्ने राजमार्गबाट ५ सय मिटर भित्र हुनु पर्ने बालबालिका, अपाङ्ग र वृद्ध वृद्धालाई समेत सहज रुपमा आवतजावत गर्न सक्ने हुनुपर्छ । तर भौतिक पुर्वधारविना सीमित व्याक्तिहरुको फाईदाको लागि नगरले जग्गा खरिद गरेको विराेध-पत्रमा उल्लेख छ ।
Violent / Non-violent | Nonviolent |
Primary Form | Demonstration |
Primary Cause | Other governance issues |
Secondary Cause | Issues related to corruption (other than tenders) |
Actor 1 - Number of people | 100 |
Actor 1 - Affiliations | Citizen/Individuals |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD