रौतहट । रौतहटको यमुनामाइ गाउपालिकामा ग्यास चुल्हो र सिलिण्डर बाँड्ने क्रममा दोहोरो झडप भएको छ । यमुनामाइ गाउँपालिका वडा नं. ५ झुनखुनुवा चोकमा ग्यास चुल्हो र सिलिण्डर बाँड्ने क्रममा दोहोरो झडप भएको हो । झडपमा परेका २ जनाको अबस्था गम्भीर रहेको छ ।

बुधबार दिउँसो ग्यास चुल्हो र सिलिण्डर बाँड्ने क्रममा दोहोरो झडप हुँदा १५ जना घाइते भएको सोही गाउँपालिकाका प्रबक्ता नन्दलाल यादबले जानकारी दिए । ग्यास चुल्हो बितरण गर्दा गदै एक समुह आएर ग्यास चुल्हो हामीलाई पनि चाहियो भन्दै वडा नं. ५ का वडाध्यक्ष रहमत आलम राकीको घर भित्रै पसेर आक्रमण गरेको प्रबक्ता यादबले बताएका छन् ।

ग्यास चुल्हो सबैलाइ बाँड्नु पर्ने भन्दै आक्रमण गरेको उनले जानकारी दिएका छन । १३ जना घाइतेहरुको गौरस्थित जिल्ला अस्पतालमा उपचार भइरहेको छ भने गम्भीर अबस्थामा रहेका २ जनालाइ भरतपुर पठाइएको प्रबक्ता यादबले बताए । गम्भीर घाइते हुनेहरुमा खुसैद आलम र रबि खातुन रहेक छन् । अहिले घटनास्थलको अबस्था समान्य भएको जिल्ला प्रहरी कार्यालय रौतहटले जनाएको छ ।

गाउँपालिकालाई धुवा मुक्त बनाउने लक्ष्य

यमुनामाइ गाउपालिकालाइ धुवा मुक्त गाउँपालिका बनाउने उदेश्यले अनुसार ग्यास चुल्हो र सिलिण्डर बाडने कार्यक्रम राखेको प्रबक्ता यादबको भनाइ रहेको छ । आर्थिक बर्ष ०७६/०७७ मा सो गाउँपालिकामा १ हजार ८ सय ७५ सेट ग्यास चुल्हो र सिलिण्डर बाडने योजना गाउँपालिकाको छ ।

गत आर्थिक बर्षको समपुरक बजेटबाट दलित, बिपन्न तथा गरिब परिवारलाई ग्यास चुल्हो र सिलिण्डर बाडने कार्यक्रम अनुसार बितरण गरिएको प्रबक्ता यादबले बताए । प्रबक्ता यादबले दिएको जानकारी अनुसार वडा नं. १ मा ४ सय, वडा नं. २ मा २ सय पचास, वडा नं. ३ मा ४ सय ५०, वडा नं. ४ मा ५ सय र वडा नं. ५ मा २ सय २५ घरपरिवारलाइ ग्यास चुल्हो र सिलिण्डर बाडिने छ ।