2020-08-27
Province 1, Jhapa, Kachankawal
भद्रपुर । झापाको कचनकवल गाउँपालिका कार्यालयमा तालाबन्दी गरिएको छ । थानीय स्वायत्त साशन विपरित वडा कार्यालयको अधिकार कटौती गर्ने गरी बजेट सिलिङ घटाएको, सङ्कटको समयमा करको भार बढाएर नागरिकमाथी ज्यादती गरेको लगायत माग राखेर ४ जना वडाअध्यक्ष सहित १४ परिषद सदस्यले गाउँपालिकामा बिहीबार तालाबन्दी गरेका हुन् ।
उनिहरुले अध्यक्ष,उपाध्यक्षको कार्यकक्ष र प्रशासकीय भवनमा तालाबन्दी गरेका थिए । राप्रपाको बहुमत रहेको कचनकवल गाउँपालिका नेतृत्वले वडागत बजेट विनियोजन गर्दा विभेद गर्दै न्यून रकम छुट्याएको तथा स्थानीयले तिर्न नसक्ने गरी राजश्व बढाएको विरोधमा तालाबन्दी गरिएको जनाइएको छ ।
गाउँपालिका अध्यक्ष अञ्जरा आलमले कार्यपालिकाको बैठक नै नराखी आफूखुसी ६० लाखको बजेट सिलिङ १० लाखमा झारेको, करको दर बृद्धि नगर्ने राजश्व परामर्श समितिको निर्णय विपरित तीन गुणासम्म कर बढाएको बिरोधमा निर्णय सच्याउन माग राखेर दुई हप्ता अगाडि ५ दिने अल्टिमेटम दिँदै ज्ञापनपत्र बुझाएका भए पनि सुनुवाइ नभएपछि तालाबन्दीमा उत्रेका हुन् ।
विगत आर्थिक वर्षकै हाराहारीमा बजेट विनियोजन हुनु पर्ने तथा करको दर पनि सोही रहनु पर्ने माग राखेर साउन २९ मा ज्ञापन पत्र बुझाएका थिए । यस बीचमा गाउँपालिका नेतृत्वले वडाध्यक्ष तथा परिषद सदस्यहरूको माग बारे कुनै सुनुवाइ नगरेपछि तालाबन्दीमा उत्रिएको परिषद सदस्य उमाशङ्कर गणेशले जानकारी दिए ।
जनप्रतिनिधिहरूको ताला स्थानीयले तोडे
भद्रपुर, (नेस)
झापाको कचनकवल गाउँपालिकामा जनप्रतिनिधिहरूले लगाएको ताला स्थानीयले फुटाएका छन् ।विभिन्न माग राख्दै नेकपा र कांग्रेस समर्थक जनप्रतिनिधिहरूले गाउँपालिका कार्यालयमा बिहीबार बिहान लगाएको ताला करिब दुई घण्टा बित्न नपाउँदै स्थानीयले फुटाइदिएका हुन् ।
गाउँपालिकाले सिफारिस दस्तुर, राजस्वलगायतमा नागरिकलाई चर्को मार लगाउँदै कर वृद्धि गरेको, वडाबाट हुने काम वडाकै सिफारिसमा हुनुपर्नेमा गाउँपालिकाले अनावश्यक हस्तक्षेप गरेको, चालँ आर्थिक वर्षको बजेट विनियोजन गर्दा वडामा बजेट सिलिङ कम दिएको लगायतका माग राख्दै आन्दोलनरत जनप्रतिनिधिहरूले कार्यालय खुल्नासाथ अध्यक्षको कार्यकक्ष रहेको भवन र प्रशासनमा ताला लगाएका थिए ।
जनप्रतिनिधिहरूको आपसी कुरा नमिलेको भए बैठक बसेर समाधान गर्नुपर्नेमा नागरिकको काम रोकिन नहुने भन्दै ताला तोडिदिएको कचनकवल ६ बनियानीका भँपाल दंगालले बताउनुभयो । ४ जना वडाध्यक्षसहित १४ परिषद् सदस्यले गाउँपालिकामा बिहीबार तालाबन्दी गरेका थिए । असन्तुष्ट पक्षले साउन २९ गते निर्णय सच्याउन माग राखी ५ दिनको समयसीमा दिएका दिए ।
गाउँपालिकाले चालँ आर्थिक वर्ष ०७७÷७८ का लागि असार ३१ गते ५३ करोड ८९ लाख ६० हजार १ सय रुपियाँको बजेट बहुमतले पारित गरिसकेको छ ।
७ वटा वडा रहेको कचनकवलमा दुई जना मानेनित सदस्य गरी ३८ जना रहेका छन् । ४ र ७ नम्बर वडाध्यक्षसहित ८ जना नेपाली कांग्रेसबाट निर्वाचित जनप्रतिनिधि छन् भने तत्कालीन एमालेबाट २ र ६ नम्बर वडाध्यक्षसहित ६ जना जनप्रतिनिधि निर्वाचित छन् भने बाँकी राप्रपाका रहेका छन् । कांग्रेस र नेकपा सम्बद्ध जनप्रतिनिधिले बहिष्कार गरे पनि राप्रपाको बहुमत भएका कारण गाउँसभाले बजेट पारित गरेको थियो ।
Violent / Non-violent | Nonviolent |
Primary Form | Gherau/Dharna (sit-in)/padlocking |
Primary Cause | Other governance issues |
Actor 1 - Number of people | 18 |
Actor 1 - Affiliations | Local authorities (incl VDC, district, gov. line agencies at local level except education and health) |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD