समाजवादी महिला संघ नेपालले बालिका सुरक्षाको प्रत्याभूति हुनुपर्ने माग राख्दै शुक्रबार माइतीघर मण्डलामा प्रदर्शन गरेको छ। 

निर्मला पन्तको बलात्कारपछि हत्या भएको २५ महिना हुँदा पनि बलात्कारी/हत्यारा पत्ता लगाउन सरकारले नसकेको भन्दै उनीहरूले निर्मलाको हत्यारा कता छ भन्दै सरकारलाई प्रश्न पनि गरेका छन्।

‘२५ महिना भयो निर्मला पन्तको बलात्कारी/हत्यारा कता छ?, बालिका सुरक्षाको प्रत्याभूति गर, बलात्कारसम्बन्धी गृहमन्त्रीको अभिव्यक्ति आपत्तिजनक, गृहमन्त्रीज्यू सवा २ सय देशलाई उछिनेर विश्वको सबैभन्दा बढी बलात्कार हुने देश नभएसम्म हामी चुप बस्ने हो?’ लेखिएको प्लेकार्डसहित उनीहरूले प्रदर्शन गरेका हुन्।

पूर्वमन्त्रीसमेत रहेकी जनता समाजवादीकी नेतृ हिसिला यमी पनि प्रदर्शनमा सहभागी थिइन्।