१७ मंसिर, काठमाडौं । सहमती विपरीत काम अघि बढाएको भन्दै खोकनावासीले काठमाडौं–तराई/मधेश द्रुतमार्ग आयोजनाको काममा अवरोध गरेका छन् ।

फर्सिडोलमा निर्माणाधीन द्रुतमार्गको प्रवेश बिन्दुमा पुगेर स्थानीयले विरोध गरेका हुन् । आयोजनाले खोकना, बुङमती र डुकुछापका स्थानीयले चित्त बुझाएर जग्गा अधिग्रहण गर्न सकेको छैन ।

द्रुतमार्ग निर्माणको जिम्मेवारी पाएको जिम्मेवारी लिएको नेपाली सेनाले खोकनासहित कुल ८०७ रोपनी जग्गाको मुआब्जा वितरण गर्न बाँकी रहेको जनाएको छ ।

सरकारले वार्ता नगर्ने तर सुरक्षाकर्मी लगाएर जबरजस्ती काम अघि बढाएको स्थानीयको आरोप छ ।