गएराती बर्दिया राष्ट्रिय निकुन्जमा तस्कर र नेपाली सेनाका जवानबीच गोलि हानाहान भएको छ । निकुन्जका सहायक संरक्षण अधिकृत असिम थापाका अनुसार ६/७ जनाको समुहमा रहेका हतियारधारी व्यक्ति र  निकुञ्ज संरक्षणक लागि खटिएको नेपाली सेनाको टोलीबीच गोलि हानाहान भएको हो ।  सेनाका जवान र ससस्त्र बन रक्षकको टोलीले  संयुक्त रुपमा गस्ती गरिरहेको अवस्थामा निकुञ्जको खयरभट्टी पोस्ट नजिकै दोहोरो फायरिंग भएको हो ।  

गोलि हानाहानपछि निकुञ्जको  संयुक्त सुरक्षा गस्ती टोलीले  गरेको सर्च अपरेसनका  क्रममा सुर्खेतको बराहताल गाउँपालिकाका ३४ बर्षिया चक्र बहादुर बिस्ट र २४ बर्षीय गणेश तिवारीलाई  पक्राउ गरेको छ । उनीहरुको साथबाट  गस्ती टोलीले ३ वटा जाली , १७ वटा गोली , २०० ग्राम बारुद, १ थान गुलेली, ५ वटा हँसिया बरामद गरेको छ ।