2021-02-11
कान्तिपुरका फोटो पत्रकार कविन अधिकारी घाइते भएका छन् । नेकपा केन्द्रीय सदस्य रामकुमारी झाँक्री पक्राउ परेको विरोधमा नयाँ बानेश्वरमा गरिएको प्रदर्शनको तस्बिर लिने क्रममा अधिकारी घाइते भएका हुन् । उनको कुर्चुच्चाको हड्डी भाँचिएको चिकित्सकले बताएका छन् ।
एभरेस्ट होटल नजिक आन्दोलनकारीमाथि प्रहरीले लाट्ठी हान्ने क्रममा भागदौड हुँदा अधिकारी लडेर घाइते भएका हुन् । सिभिल अस्पतालमा अधिकारीको उपचार भइरहेको छ ।
नेकपाको दाहाल–नेपाल समूहकी झाँक्रीलाई प्रहरीले राष्ट्रपतिविरुद्ध गालीगलौज र मानमर्दन हुने गरी अभिव्यक्ति दिएको भन्दै बिहीबार दिउँसो शंखमूलस्थित निवासबाटै पक्राउ गरेको थियो । त्यसपछि आक्रोशित नेकपा नेता, कार्यकर्ताले माइतीघरदेखि नयाँबानेश्वरसम्म अपराह्न प्रदर्शन गरेका थिए ।
झाँक्रीको रिहाईका लागि नेकपाको प्रदर्शन, विभिन्न दलका नेताहरुले माग गरेपछि प्रहरीले बिहीबार साँझ नै उनलाई रिहा गरेको छ । पक्राउपछि उनलाई महानगरीय अपराध महाशाखा मिनभवनमा राखिएको थियो ।
यसैबीच फोटो पत्रकार क्लबले प्रदर्शनका क्रममा धरपकडमा परी घाइते अधिकारीको शिघ्र स्वस्थ्यलाभको कामना गर्दै आन्दोलनरत पक्ष र सरकारलाई संयमता अपनाउन र चौथो अंगको रुपमा मानिएको सञ्चार क्षेत्रलाई स्वतन्त्र भएर सूचना सम्प्रेषणको सहज वातावरण बनाउन विज्ञप्तिमार्फत् आग्रह गरेको छ ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Assault (small group) |
Secondary Form | Attack on Journalist |
Weapons | Blunt weapon |
Primary Cause | Issues related to freedom of expression and civil rights |
Secondary Cause | Freedom of Expression |
Actor 1 - Number of people | n/a |
Actor 1 - Affiliations | Police |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Journalist/Media |
Actor 2 - Youth | na |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD