हेटौंडाः मकवानपुरको मनहरी गाउँपालिकाको ४ नम्बर वडामा स्थानीयहरुले तालाबन्दी गरेका छन् । वडा अध्यक्ष नभएको समयमा र वडा सचिव गाउँपालिका गएको मौकामा केही स्थानीयहरुले ताला लगाएको मौखिम जानकारी आएको वडा अध्यक्ष ध्रुव खड्काले जानकारी दिनुभयो । उहाँका अनुसार ४ नम्बर वडा कार्यालयअगाडि वडा कार्यालयको भवन र स्वास्थ्य कार्यालयको भवन बनाउन निर्णय गरेको विरोधमा ताला लगाइएको हो। 

बडाको भवन बनाउन स्थानीय रामहरि विष्टले २ कठ्ठा जग्गा दान दिनुभएपछि वडा कार्यालयको भवन बनाउनु सुरु गर्ने निर्णय भएको थियो । यसअघि पनि जग्गादाताहरुले जग्गा उपलब्ध गराए पनि वडा कार्यालय भवनसँगैको जग्गामा भवन बनाउने निर्णय गरेकोमा विमत्ति जनाएर कार्यालयमा ताला लगाएको मौखिक जानकारी आएको वडाअध्यक्ष खड्काले बताउनुभयो । आज बुधबार सार्वजनिक बिदा परेकाले बिहीबार मात्र यसबारे छलफल हुने उहाँले जानकारी दिनुभयो।