2021-05-11
कोरोना भाइरस (कोभिड–१९) को महामारीका बेला गैह्रजिम्मेवार बनेको भन्दै भरतपुर महानगर र जिल्ला प्रशासन कार्यालय चितवनविरुद्ध युवाहरुले प्रदर्शन गरेका छन् ।विभिन्न संस्थाको प्रतिनिधिका रुपमा उपलब्ध युवाहरुले मंगलबार दिउँसो जिल्ला प्रशासन कार्यालय अगाडि प्लेकार्ड बोकेर प्रदर्शन गरेका हुन् ।
प्रदर्शनकारीहरुले बोेकेको प्लेकार्डमा जनताको उपचारको ग्यारेन्टी खै ?, यो महामारीमा दायित्व स्वास्थ्यकर्मी र सुरक्षाकर्मीको मात्र ?, यो महामारीमा जनताको प्रतिनिधिको दायित्व के ? आइसियु नभएर जाँदै छ ज्यान ! ! सिडियो साबको कता छ ध्यान ? प्रशासन जनताले रोग थग्ने की भोक ?, देशकै मेडिकल सिटीमा ! जनता मर्नुपर्ने अस्पतालको पेटीमा ! !, भेन्टिलेटर कता किन्न पाइन्छ ? महामारीको पूर्व तयारी खोई ? भन्ने कुराहरु लेखिएका थिए ।
प्रदशानकारी मध्येका एक सन्तोष पन्तले कोरोनाको महामारीका बेला पनि सरोकारवाला निकायहरुले गैह्र जिम्मेवारी प्रस्तुत गरेका कारण उनीहरुलाई झकझकाउन प्रदर्शन गरिएको बताए । चितवनका विभिन्न संस्थाबाट प्रतिनिधिका रुपमा प्रदर्शन गर्न आएको उनले बताए ।
मेडिकल सिटीका रुपमा परिचित चितवनमा बेड अभाव भएर बिरामी मृत्यु हुनु निकै दुखद भएको बताउँदै उनले जिल्लामा कोभिड अस्पताल बनाउन नभए अस्पतालको विस्तार गर्न पनि आफूहरुले माग राखेको बताए । विभिन्न तवरबाट पटकपटक माग राख्दा पनि कुनै वास्ता नभएपछि प्रदर्शनमा निस्किनुपरेको उनको भनाइ छ ।
माथि भिडियो प्ले नभएमा यो लिंकमा क्लिक गर्नुहोस्, https://fb.watch/5q7uWsS1TI/
निषेधाज्ञा सुरु भएदेखि नै आफूहरुले चौबिसकोठीमा हेल्पडेस्क राखेर चितवनवासीलाई सहयोग गरिरहेको उनले बताए । हेल्प डेस्कमा स्वास्थ्यकर्मी, एम्बुलेन्स र अक्सिजनसहितको निशुल्क सेवा उपलब्ध गराएको उनले बताए । यदि कसैलाई घरमै यी सेवा चाहिएमा सम्पर्क गर्न उनले आग्रह गरेका छन् । हालसम्म करिव दुई सय जनालाई यी सेवाहरु दिइसकिएको बताउँदै उनले हालसम्म सरकारी तवरबाट कुनै वास्ता नभएको बताए । आफूहरुले यस्तो काम गरिरहँदा भरतपुर महानगर भने निरीह बनेको उनले बताए । अहिलेसम्म आफूहरुले दुई सय वटा कोभिडका बिरामीलाई रेखदेख गरिसक्दा पनि भरतपुर महानगरको तर्फबाट केही हुन नसकेकाले जिल्ला प्रशासन कार्यालयमार्फत ध्यानाकर्षण गराउन प्रदर्शन गरिएको उनले बताए । महानगरले सेवा सुरु गरेको भने पनि त्यो प्रभावकारी नभएको उनले बताए । यस्तो बेला सरकारले जनतलाई निशुल्क सेवा दिनुपर्छ भनेर आफूहरुले आवाज उठाइरहेको उनले बताए ।
अर्का प्रदर्शनकारी अमृत काफ्लेले बिरामीहरुले एम्बुलेन्स नपाएको तथा होम आइसोेलेशनमा चिकित्सक नपुगेको देख्दा आफूहरुले स्वास्थ्यकर्मी र एम्बुलेन्ससहित होम आइसोलेशनमा जाने निशुल्क सेवा सुरु गरेको बताए । उनले आफूहरुकै भर सरकारले कहिलेसम्म पर्ने हो ? भनेर प्रश्न पनि गरे । ‘हामीले सँधै बिरामी ओसार्न सक्दैनौं । बिरामीलाई हेर्न घर जान सुक्दैनौं । अबको नेतृत्व गर्ने कसले ? सरकारी निकाय हाम्रै भर कहिलेसम्म पर्ने ?
प्राइभेटको आइसियु खाली हुने सरकारी अस्पतालमा बिरामी थुप्रिरहेको अवस्थामा जिल्ला प्रशासनले केही गर्नुपर्ने उनले बताए । एकहप्ता अघि सबै माग राखेर प्रशासनमा चिठी पठाए पनि त्यसको कुनै सुनुवाइ तथा जवाफ नआएकाले आज प्रदर्शन गर्न आएको उनले बताए ।
Violent / Non-violent | Nonviolent |
Primary Form | Demonstration |
Primary Cause | Issues related to the quality of public services (health, education etc.)and access to these services |
Secondary Cause | Healthcare Management |
Actor 1 - Number of people | n/a |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD