विराटनगर / कोसी अस्पतालमा कार्यरत स्वास्थ्यकर्मी कुटिएपछि स्वास्थ्यकर्मीले प्रदर्शन गरेका छन् । ड्युटी सकेर घर फर्कँदै गर्दा प्रहरीबाटै सहकर्मी कुटिएपछि स्वास्थ्यकर्मीहरुले बुधबार विराटनगरमा प्रदर्शन गरेका हुन् ।

कोरोना महामारीमा अग्रपङ्तिमा खटिएका स्वास्थ्यकर्मीमाथि कुटपिट भएको भन्दै नेपाल चिकित्सक सङ्घ कोसीको अगुवाइमा कोसी अस्पतालमा स्वास्थ्यकर्मीले प्रदर्शन गरे । स्वास्थ्यकर्मीले सुरक्षाको ज्ञारेन्टी गर्न माग गरेका छन् ।

मङ्गलबार राति अस्पतालको काम सकेर घर फर्कँदै गर्दा कोसी अस्पतालमा कार्यरत सिनियर अहेब अशोक राजवंशी प्रहरीबाट कुटिएका थिए । स्वास्थ्यकर्मीकाे परिचयपत्र देखाउँदा पनि प्रहरीले कुटपिट गरेकाे उनले बताए ।