2021-11-12
Bagmati, Makawanpur, Hetauda
हेटौंडा । पेट्रोलियम पदार्थमा गरिएको मूल्य वृद्धि विरुद्ध नेत्रविक्रम चन्द (विप्लव) नेतृत्वको नेकपा मकवानपुरले हेटौंडामा मसाल जुलुस प्रदर्शन गरेको छ । शुक्रबार साँझ हेटौंडाको चौकीटोलबाट सुरु भएको मसाल जुलुस बुद्धचोक हुँदै सिमाचोक पुगेर कोणसभामा परिणत भएको थियो ।
कोणसभालाई विप्लवका केन्द्रीय सदस्य एवं मकवानपुर ईन्चार्ज नयनले सम्बोधन गर्दै मूल्य वृद्धि कार्तिक २९ गते भित्र फिर्ता नभए आफुहरु कार्तिक ३० गते नेपाल बन्द गर्न बाध्य हुने बताए । सरकारले पेट्रोलियम पदार्थको मूल्यवृद्धि गरेको भन्दै उनीहरू मूल्यवृद्धि फिर्ताको माग गर्दै मसाल जुलुस प्रदर्शन गरेका हुन् ।शुक्रबार साँझ जिल्लाको विभिन्न ठाँउहरुमा मसाल जुलुस प्रदर्शन गरिएको विप्लव मकवानपुरले जनाएको छ । गएको कार्तिक २५ गते पेट्रोलियम पदार्थमा गरिएको मूल्य वृद्धि विरुद्ध विप्लव नेतृत्वको नेकपाले नेपाल बन्दसहितका संघर्षका कार्यक्रम घोषणा गरेको छ । एक विज्ञप्ति जारी गर्दै नेकपाले चरणबद्ध आन्दोलनका कार्यक्रम घोषणा गरेको हो । विरोध कार्यक्रमको अन्तिम दिन कात्तिक ३० गते नेपाल बन्द गर्ने नेकपाले घोषणा गरेको छ ।
नेपाल आयल निगमले पेट्रोल, डिजेल र मट्टितेलमा प्रतिलिटर तीन रुपैयाँ र खाना पकाउने एलपी ग्यासमा प्रतिसिलिन्डर ७५ रुपैयाँले बढाएर १५ सय ७५ रुपैयाँ पुर्याएको छ । बढेको मूल्यसँगै पेट्रोल लिटरको १३६ रुपैयाँ पुगेको छ भने डिजेल मट्टितेलको प्रतिलिटर ११९ रुपैयाँ पुगेको छ ।
Violent / Non-violent | Nonviolent |
Onesided / Twosided | Onesided |
Primary Form | Demonstration |
Primary Cause | Issues related to commodity availability, prices, and subsidies |
Actor 1 - Number of people | n/a |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD