रौतहटको परोहा नगरपालिकालाई युवाहरुले घेराउ गरेका छन्। स्वतन्त्र युवाहरुको समूहले बुधबार परोहा नगरपालिकाको कार्यालयलाई घेराउ गरेको हो।

नगरपालिकामा कुनै सुधार नभएको र नगर प्रमुखले गरेको चुनावी प्रतिबद्धता पूरा नगरेको भन्दै नगरपालिकाका स्वतन्त्र युवाहरुको समूहले नगरपालिकालाई घेराउ गरेको हो। बुधवार केही घन्टा नगरपालिकाको मूल गेटलाई घेराउ गरेपछि स्थानीयको पनि निकै समर्थन देखिएको थियो।

युवाहरुको समूहले नगर प्रमुख शेख वकिलले चुनावमा गरेको प्रतिबद्धता अनुरुप शिक्षा, स्वास्थ्य, खानेपानी तथा कृषिमा काम गर्नुपर्ने माग गरेका छन्।