2023-03-13
म्याग्दीको एक मात्रै सरकारी अस्पताल बेनी अस्पतालमा कार्यरत मेडिकल अफिसरहरूले तोके भन्दा बढी काम लगाएर पनि पारिश्रमिक नदिएको भन्दै भिडियो एक्सरे सेवा बन्द गरेका छन् । पटक पटक मौखिक तथा लिखित रूपमै पनि जानकारी गराउँदा पनि आफूहरूको माग सुनुवाइ नभए पछि सेवा बन्द गरिएको डाक्टरहरूको भनाई छ । भिडियो एक्सरे गर्ने कोठाको ढोका खुल्ला छ, मेसीन तयारी अवस्थामा छ र डिस्प्ले हुने मोनीटर पनि खुल्ला भए पनि सेवा दिने अफिसर भने छैनन् । भिडियो एक्सरे कोठा कार्यालय सहयोगीले कुरेर बस्नु भएको छ तर बिरामी आए पछि हुदैन भनेर फर्काउने गर्नुभएको छ ।
पश्चिम म्याग्दीको दुर्गम स्थान मुनाबाट गंगाले आफ्नो दिदीको छोरी १६ वर्षिया गोविना भण्डारीलाई समस्या भएर हस्पीटल ल्याउनु भएको थियो । बहिरंग विभागमा स्वास्थ्य परीक्षण गराउँदा भिडियो एक्सरेका लागि पठाए पनि भिडियो एक्सरे गर्ने ठाउँमा पनि कोही छैनन् बिल पनि काट्दीएनन् गंगाले भन्नुभयो । उहाँ जस्तै अघिल्लो दिन देखि नै भिडियो एक्सरेका लागि आउनुभएकाहरूले दिउँसो एक बजे सम्म पनि उपचार पाउनु भएको छैन । आज नयाँ बिरामीको बिल काट्ने सम्म काम नभएको र दिउँसो सम्म अस्पताल व्यवस्थापन समिति तथा प्रशासनबाट थप केही प्रकृया नभएको बिरामीको गुनासो छ ।
बेनी अस्पतालमा कार्यरत मेडिकल अफिसरहरूले आफूहरूले नियम अनुसार महिनामा साप्ताहिक ४० घण्टाका दरले एक सय ६० घण्टा ड्युटी गर्नु पर्ने भए पनि तीन सय घण्टा भन्दा बढी समय ड्युटी गरेको भए पनि नियमले पाउने पारिश्रमिक समेत आफूहरूले नपाएको गुनासो गर्नुभएको छ । उहाँहरूले आफूहरूले पटक पटक जानकारी गराउँदा पनि ड्युटी लगाउने तर हामीले पाउनु पर्ने पारिश्रमिक नदिए पछि बाध्य भएर भिडियो एक्सरे सेवा बन्द गरेको बताउनुभयो ।
बेनी अस्पतालका निमित्त मेडिकल सुपरीटेण्डेण्ट शंकर राज लामिछानेले पारिश्रमिक पाएको भए पनि उनीहरूले बढी खोजेका छन् भन्नुभयो । हामी छलफल गरेर सेवा चाँडै सुरू गर्ने तयारीमा छौं उहाँले थप्नुभयो । अस्पताल व्यवस्थापन समितिका अध्यक्ष ज्ञानेन्द्रप्रसाद सुवेदीले अस्पतालमा सेवा अवरूद्धका बिषयमा आफूलाई जानकारी नआएको र आफू अस्पताल पुगेर त्यसबारेमा बुझ्ने बताउनुभयो । बेनी अस्पतालमा दैनिक ३० भन्दा बढी बिरामीहरूले भिडियो एक्सरे सेवा लिने गरेको अस्पतालको तथ्याङ्कले देखाउँछ । आइतबारको दिनमा ६० भन्दा माथि पुग्ने भए पनि अन्य दिनमा ३० देखि ४० जनाले यो सुविधा लिने गरेका छन् ।
Violent / Non-violent | Nonviolent |
Primary Form | Demonstration |
Primary Cause | Issues related to policies and regulations internal to the government bureaucracy (e.g. civil servants wages, work conditions and promotions) |
Actor 1 - Number of people | n/a |
Actor 1 - Affiliations | Health sector/health workers, doctors |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD